周殷廷（Yan）推出新歌《Louder》，为不搞“暗黑兵法”默默耕耘的人发声。MV继续由他一手包办，以简单一镜过加灯光效果完成，原来是受歌神张学友启发。近年出歌量大减的Yan，为努力钻研导演及编剧技巧，正筹拍3部电影，其中2部更会担演，但强调会与音乐双线发展。
Yan认为《Louder》是出道以来最能代表心声的作品，“以往爱情歌多啲，今次系讲对世界嘅睇法。”他希望歌曲能为一班默默耕耘的人发声，“‘暗黑兵法’帮到一个人成功，但系咪代表努力做嘢完全冇用？好想帮呢啲人，可以更大声。”他又笑言也想靠“暗黑兵法”上位，可惜做唔到，“最简单就系上床囉！的确有呢样嘢存在，唔可以否定佢嘅成功率，唔系话错，每个人价值观唔同，我就做唔到嘞！”
▲MV亮点除了灯光效果，当然还有Yan的靓腹肌。
▲《Louder》MV中，Yan一个人揸咪唱到尾。
▲身兼MV导演的Yan，紧张幕前演出即睇mon。
多谢学友肯信任
▲Yan仲未有机会见到学友，想借本网向对方道谢。
Yan执导《Louder》MV延续《意外现场》、《My Everything》拍法，以简单一镜过完成，分别会加大量灯光效果，启发他的是张学友，“帮佢同Gin Lee拍过《日出时让街灯安睡》MV后，佢有两个MV搵我帮手，问佢想点拍？佢就话‘好简单乜都唔使要，畀我夹口型就得’，嗰时我唔明，既然有画面辅助点解唔用？但佢开巡唱搁置咗啲MV，我就尝试自己啲歌咁拍，现在就明，应该睇艺人点样表现，目光摆喺艺人。”他又大赞拍《日出时》感受到学友提携后辈的心，“有个动作我叫佢放松啲，全场望住我，好惊我够胆改佢动作，我就拍晒两个演法畀学友哥睇，解释晒所有嘢，嗰take后佢冇再睇mon，畀咗信任同尊重我，一个咁劲嘅人，可以霸权，但有胸襟畀个新人去尝试。”
一直恨制作电影的Yan，以兴奋又期待心情宣布，将开拍3部由他自编自导的电影，“最先拍应该系动作片，一部英雄片，自己都有份演，另外一部悬疑片就纯做编剧同导演，现在开心指数系爆晒表，但会照出歌，两样都系我锺意做嘅嘢。”
