梁敏巧（Maggie）2019年参加港姐入行，2021年加入《东张西望》做外景主持，由于采访够搏命，更试过遭被访者袭击，加上样靓有身材而获封“东张女神”。Maggie认为做艺人肯搏肯捱是基本，更希望有机会挑战演戏，最想合作是欣赏多时的人夫男神黎诺懿。
▲主力做《东张》的Maggie，希望今年可以拍剧和旅游节目。
Maggie认为被封“东张女神”是过誉，又笑言：“我只系女神经啫！”入行前在树仁大学读新闻系，曾任港闻记者的她，很享受《东张》工作，“好玩，好刺激，做完嘅个案出咗街真系帮到人，都几有成功感，同我当初想做记者嘅目的几似，所以几开心。”讲到最难忘个案，肯定是她既是苦主又以主持身份采访的国际网上骗案，“虽然有人盗用我嘅相喺网上呃人，唔系我去害人，但个心都好唔安乐，采访时会更加上心。”
▲在Maggie的ig不难搵到性感相，满足一众粉丝需求。
▲Maggie有身材又肯搏，难怪深得观众喜爱。
▲去年10月，Maggie采访难民食物券事件，惨被打伤嘴角。
恨演奸人扮八婆
采访时瞓身演出的Maggie，试过被打伤又被恐吓，就连采访公司活动，都被推落泳池两次，搞到透晒Bra，但她完全唔介意，“嗰次去到现场系夹咗咁做嘅，好彩我谂住去泳池做嘢，都有带多咗套衫，但冇着泳衣打底，都担心出唔到街。”她又认为在娱乐圈工作，够搏是基本条件，“做得呢行一定要尽全力去做，希望做到畀人留意到！”
▲去年5月，Maggie访问期间，被陆浩明、Bob、金刚和杨潮凯推落泳池。
▲没有泳衣打底的Maggie，上水时一度透Bra。
除了做主持，Maggie仲希望拍旅游节目及拍剧，而搏命态度不变，“除咗露3点，乜都得，剃光头都冇所谓，做得艺人都预咗试唔同嘅嘢，有包袱嘅话点做艺人呢？！”她最想演奸角同八婆，“同我反差好大，现实唔会咁，咪想拍戏试囉，应该几好玩！”讲到最想演对手戏的男神，她首推人夫黎诺懿，“佢高大靓仔，入行前都觉得佢好吸引，入行后觉得佢更吸引，拍儿童节目《Think Big天地》，佢做嘉宾会提点我，对后辈好照顾，同佢合作拍戏都会安心啲。”
