现年32岁的麦明诗前年被爆与参加《冲上云霄大选》的机师盛劲为挞着，去年10月终于公开认爱，更承认二人有结婚共识。 日前有摄影师曝光麦明诗婚纱相，令麦明诗婚讯曝光，连日来麦明诗都未有证实婚讯，昨晚盛劲为在IG贴出两人合照，正式宣布婚讯！
▲盛劲为公开婚讯！
▲盛劲为大爆是麦明诗求婚！
▲盛劲为感动到眼湿湿。
▲当日是是麦明诗的生日会。
▲场面感人又温馨。
▲麦明诗亦有公开求婚相。
▲不过今次就是盛劲为求婚。
麦明诗男友盛劲为今晚（30日）在IG贴出与麦明诗求婚合照，讲述两人的相识经过，正式宣布婚讯！ 盛劲为指当时疫情后突然失业，当时就是由麦明诗介绍他去《后生仔倾吓偈》，再去《冲上云霄大选》，盛劲为说：“由一开始大家都冇谂过会有咩发展，但系就愈倾愈投契，而且觉得好mind-blowing，因为我从未遇过一个靓得黎冇脾气、努力、会替人设想嘅女仔，仲要......”言语间想当sweet。
盛劲为更大爆是麦明诗求婚：“我讲笑话，如果我哋结婚，你都要同我求婚先衬得起你性格喎。 我真系冇谂过你会记得我呢句说话，然后坚做...... 好嘢 ”盛劲为最后更表示：“我希望可以请你食饭食一世啦！”暗示要养麦明诗一世！ 麦明诗亦分享两人求婚的照片，简单留言：“#WeSaidYes”并tag了盛劲为。 不少圈中人亦纷纷献上祝福。
盛劲为IG全文：
以前嘅我，以为自己会单身一世。 一个人无拘无束几咁好，但一个疫情，令到以为揸住铁饭碗嘅我突然失业，原来我并非想象中咁硬净。
嗰时我哋唔系好熟，但系你听到我嘅情况，就问：“既然呢排得闲，想唔想去电视台做吓part-time啊？ 当见识吓、识吓女仔啰。”
听到有得识女仔，梗系正啦！ 就系咁，你介绍咗我上去后生仔倾吓偈，再玩冲上云霄大选，又参与咗一部剧做茄喱啡，见到好多靓女，但最后... 我都净系识咗一个女仔，仲要本身已经识佢。
由一开始大家都冇谂过会有咩发展，但系就愈倾愈投契，而且觉得好mind-blowing，因为我从未遇过一个靓得黎冇脾气、努力、会替人设想嘅女仔，仲要 .... （下删一万字）
同你一齐，冇一刻系浪费时间，我哋每日好似best friend咁一齐玩，一齐游水打波滑雪上山下海，将“情人”同“朋友”呢两个身份完美结合。 我真系好好彩先可以遇到你。
之后我讲笑话，如果我的结婚，你都要同我求婚先衬得起你性格喎。 我真系冇谂过你会记得我呢句说话，然后坚做... 好嘢。
你喺我最需要人support嘅时候出现，我呢世都会记得。 我肯定将来我的会面对好多困难，但只要我哋一齐面对，一定可以捱得过。
拍拖初期有一幕我到今日都好深刻，你话：“你未resume番，食饭等我请啦，嗱，你一飞返就以后都系你请我食饭㗎啦。”我希望可以请你食饭食一世啦！
