入行半个世纪的贾思乐（Louie）下月“登七”，他坦言人生最痛是见到好友余绮霞、锺保罗(Paul)、罗慧娟、刘敏仪及关朝聪等逐个离世，尤以阿Paul的死前讯息，35年后讲起，Louie仍然讲到眼湿湿，直至话题转到曾捱义气，主动帮关菊英买M巾惨被大闹先识笑返。
▲Louie好挂住5位故友，讲到眼湿湿。
▲Louie好挂住故友。
70年代经典剧集《少年十五二十时》；80年代《欢乐今宵》(EYT)嘅《虾仔爹哋》带畀贾思乐辉煌嘅演艺成绩。Louie将于下月9日假文化中心举行《HAPPY TOGETHER 50年 in Concert》，贺入行50周年兼“登七”大寿。他形容今次属稳阵投资，会主动揼赞助商“科水”，将部份收益捐给好友廖安丽的“身前行动”。
分享唔识老保养心得
下月7字头的Louie依然皮光肉滑，全靠多年来获皮肤科医生Fans赞助疗程，另外，心境开朗及思想正面亦是冻龄的不二法门：“坦白讲，做人点会冇唔开心？除咗30年前妈妈离世曾试过抑郁，亦避唔开朋友离世嘅伤痛。”Louie在圈中第一次接触生离死别，就是患鼻咽癌的“鬼婆”刘敏仪；之后到死于爱滋病的“鬼仔”关朝聪：“我跟狄宝娜摩亚（Deborah）及‘鬼仔’成日蒲兰桂坊，‘鬼仔’病发后唔想见人，我最后见佢时已面目全非，留晒胡须，骨瘦如柴完全唔认得佢，真係睇见都心噏，佢临终前两年去咗加拿大医病。”
娟妹冇“数”过星爷
至于最心痛係余绮霞及罗慧娟遭逢不幸：“当年我同陈玉莲及余绮霞係‘沙田第一城铁3角’，霞女亦係我家中常客，留宿打地铺倾心事。”1988年霞女经历《欢乐今宵》澳洲严重车祸，影响到面容令佢好唔开心，但仍咬紧牙关打仗，点知两年后再不幸患上鼻咽癌：“确诊时佢晴天霹雳，同我呻话‘我咁好人，冇做过坏事，唔知点解个天咁对我？’嗰刻我无言，只能答佢‘可能个天锺意你，点都想见到你，但唔紧要，我哋迟啲会见，你上去玩住先…’我陪佢过36岁生日，3日后佢就离开咗。”至于“女版Louie”罗慧娟跟他性格一模一样，两人无所不谈，但娟妹从冇“数”过前度周星驰。Louie说：“当年佢介绍老公我识，我係佢哋嘅证婚人。”
Louie永远记得嗰餐吓死人嘅饭局：“娟妹食食吓饭，语带轻鬆咁话‘我有胰脏癌！’当时同枱个个吓到呆咗，我即放低筷子，忍唔住流泪，佢反而安慰我哋‘喊乜呀？夹餸食啦！当时我又点食得落啫？’”后期Louie去医院探娟妹，见到佢插满喉讲唔到嘢，好心痛。就算娟妹走咗12年，佢老公刘志敏依然会约Louie食饭。Louie好感慨，“刘志敏人生受好多打击，因为佢第一任妻子亦是死于cancer！”
过年帮菊姐买M巾捱闹
另外，Louie因为《欢乐今宵》而认识锺保罗，当时他跟余绮霞是一对，故3人经常聚头：“当日我离开TVB去大马发展，佢有提出租我间屋，但最后我婉拒咗，不过，我走前，佢曾揸车嚟我屋企楼下送我指南针礼物，仲同我讲‘希望佢能带你行啱嘅路！’当时我感动到係咁流眼泪，直至有一日听返电话留言，阿Paul用沉重声音留口讯，话‘明天BBQ唔嚟喇，你哋(EYT同事)玩得开心啲，再见！’最后嗰句真係听到毛管戙，原来係死前告白。”Louie指阿Paul係最佳司仪，沉迷**最后走上不归好可惜：“佢冇欠过我钱，问我借100蚊都有借有还，最奇妙係每张20蚊都摺成细细张，似係赌本。”Louie仍然好挂住一班故友：“我想同佢哋讲‘虽然冇佢哋喺我身边，但我ok嘅，可以好开心咁活落去。’”Louie重提爆笑往事，称当年喺台南拍《EYT》，主动捱义气帮菊姐买M巾，竟被同事大闹：“冇谂过工作人员话新年流流大吉利是，其实我冇乜所谓，最后自己一个人去买，用身体语言搞掂，当然菊姐有畀返钱我，自此我冇再帮人买过M巾喇。”
