74岁的薛家燕趁楼市“撤辣”及银行减息，最近叫价近千万，沽出西半山豪宅592平方呎低层两房单位，净赚近400万。家燕姐名下所持的物业有9个，加埋公司名义购入的物业单位及工厦，身家超过2亿。由坎坷单亲妈妈捱到今时今日的成就，苦尽甘来的她直认好满足，更表示会继续投资香港物业，有机会再执平货换新楼，因为她对于香港的未来充满信心：“我喺香港咁耐唔会移民。”
▲工作不绝的家燕姐赶拍TVB新春特备节目。
▲家燕姐住同屋苑大单位，从当年拜年短片中可见寓所空间相当阔落。
▲薛家燕以980万元放售罗便臣道景雅花园592平方呎低层单位。
薛家燕沽出的单位有35年楼龄，1997年她以585万元购入，持货27年，大半年前曾叫价1200万放售，直至最近连2.3万元的租约一併沽售，降价为980万元，但仍比银行网上估价872万元高出约12%，家燕姐表示啱价就卖，沽出可套现换货。
人情味浓唔打算移民
虽然近年楼市持续下跌，但作为“楼王”的家燕姐却冇有怕：“呢几年楼市可能会有啲回落，咪收住租先囉，香港地少，对住屋好有需求，所以都可以趁低吸纳。”她强调好锺意香港：“喺度住咗咁耐有咁多人认识我，人情味浓，好多时仲得到优惠，所以唔打算移民，有钱投资返喺呢度都ok呀。”
向任姐学买砖头保值
投资有道的家燕姐由童星出身，1984年嫁给生意人石保庆；11年后被离婚，当年凑住3名年幼子女复出养家，捱了近30年生活总算好ok，感恩上天对她好好，加上观众缘令她工作不绝：“其实我唔识投资，细个时听到任姐(任剑辉)、仙姐(白雪仙)及陈宝珠都係买砖头，故搵到少少钱就买，而且当年一个月内买卖楼宇毋须畀釐印费，所以成日去睇楼，买完即放，每次转手都赚到几十万，见到有潜力嘅就买落嚟收租，因而积少成多。”家燕姐最自豪在置业方面从冇蚀过，当年几百万买入，现在全部升至千几万起。
买缩水铺致鸡毛鸭血
家燕姐唯独最嬲“中伏”，在最难过的时候竟买了麦翠嫺老公龚汝华推介必赚的缩水舖，累她劲蚀200多万：“1992年以250万购入佐敦广场两个舖位楼花，点知收楼时先发现严重缩水3至7成，租又租唔出，但每月硬供万几蚊，其后嗰商场仲变咗死场，后来我做埋苦主召集人，向大业主追讨赔偿，搞咗18年直至2010年*价沽舖，250万仅剩返27.6万，仅收返1成资金…”重提她依然有火：“嗰时老公走佬，投资失误搞到冇晒啲钱，真係几乎做唔到人，被呃好阴功。”幸而《真情》带给她登台、广告等工作机会，又拍到周星驰电影，最后都跑到数。
因为近年市道唔好，家燕姐坦言要积穀防饥，不会减产：“现在拍嘢係攞满足感，开开心心又一日，长远投资反而喺楼市及品牌方面、包括自家品牌曲奇、家燕妈妈艺术中心，迟啲仲会有大搞作，1月率先喺星马推出Captain Nancy护脊、轻量嘅学童书包。”今次家燕姐搵埋3岁半孙仔Julian上阵，两嫲孙一齐做代言人：“个孙仔好叻好醒目呀，一埋位就识得唸对白及跳十字步。呢个係健康产品，对小朋友成长好有帮助嘅，算係为下一代作出贡献。”
