37岁江若琳（Elanne）去年底推出新歌《一圈》，歌词讲人生匆忙行一圈，探讨生命意义。 经历过尖沙咀自炒翻车意外，吉人天相的Elanne更珍惜当下拥有的一切，自爆为争取陪伴儿子萧立钧（Owen）成长，打从出生后都是陪瞓，虽然跟老公萧唯展（Oscar）分房18个月，但强调冇损夫妻关系，反而越来越好。
▲去年底推出新歌《一圈》MV。
江若琳相隔7年重返乐坛，继回归头炮作《一直留在心底的事》后，去年底再推出《一圈》，已为人母的Elanne对这首歌好有感受：“呢首歌讲生命循环好似一个圈，每个人都会经历过读书、结婚，最后会变成老离世。”Elanne尤喜欢歌词：“叫临睡觉的小天使来诚心许个愿，不心急变大人，要抱着取暖。”正是写出心声及主题，她续指应该要珍惜当下所拥有的一切。
用心良苦教儿子独立
Elanne自爆年半以来都是跟老公分房瞓：“BB出生后，我就作为主要照顾者，儿子喺BB阶段容易瞓醒，我怕老公冇精神返工; 而家佣姐姐晚上要休息，所以都由我留守喺BB房，现在要培训岁半囝囝嘅独立能力，开始一齐瞓子母床，待佢大啲我就会功成身退，正式返回主人房瞓，当然作为妈咪都会有啲矛盾位，一方面想个仔快啲学识独立; 另一厢又会唔舍得，哈！ 好似我需要佢多过佢需要我咁喎。”
她相信好多父母都会经历过，为了年幼子女被分房瞓阶段：“好彩老公好锡BB，仲系紧张大师，佢明白到小朋友仲细需要照顾，呢段日子都冇诈过型。 不过，两公婆每个月会放下假快闪去旅行，我哋有讲唔完嘅话题，大家有心灵交流，加上囝囝成日拖住爸妈只手，夫妻间比前更加恩爱。”Elanne指结婚7年没有“7年之痒”：“我哋只系会为啲鸡毛蒜皮争论，未试过大吵大闹，大家仲系好Sweet。”
