Evolution Nic Live谢霆锋进化演唱会｜谢霆锋早前宣布将于2025年4月24日、25日、26日在启德体育园举行三场演唱会，门票全数售罄。但仍有大批歌迷抢票失败，当中包括街头乐队The Flame，他们日前在湾仔海傍busking（街头表演），期间唱出《玉蝴蝶》，引起现场观众共鸣，由于过去The Flame亦曾与歌手合作busking，不少网民都助攻在Threads狂Tag谢霆锋，竟获本人回复，引起热话。The Flame亦回复《星岛头条》表示：“佢嚟唔嚟都已经唔系重点，重点系大家都可以喺threads见到佢。”
谢霆锋周六有望现身湾仔busking？
谢霆锋早前跟上潮流，开设Threads帐号“chefnicookies”，而他昨日（2日）发表第一个Threads贴文，表示：“咁多人tag我搞咩，覆紧大家，畀啲时间。”原来街头乐队The Flame早前在湾仔海傍唱《玉蝴蝶》气氛高涨，其后很多The Flame的主音Kit（张洁莹）在Threads发文Tag谢霆锋希望邀请他本周六（3月8日）到湾仔海傍一同busking，“我深信有好多人都抢唔到谢霆锋演唱会飞，有冇得再加场？不过就算你真系加场，我都相信我会继续抢唔到，不如……我可唔可以好大胆咁邀请你3月8号，嚟同我哋一齐玩？”更请The Flame的歌迷出手助攻tag爆谢霆锋。
昨晚谢霆锋终于回复The Flame表示：“我见到了，恭喜你成功赢咗99.9%人！”并说：“咁多人tag我，慢慢覆大家，谢谢支持！”很多网民估计谢霆锋可能真的会现身湾仔海傍与The Flame一起busking，纷纷表示非常期待。
The Flame主音Kit获谢霆锋回复High爆
The Flame主音Kit收到谢霆锋的留言后，在Threads表示：“呢个comment系由大家许愿得番嚟，我相信，如果佢本人唔愿意，无论我地tag 佢几多次，tag 到我停经佢都唔会有反应。谢霆锋呀，谢！霆！锋！呀大佬，佢去煮嘢食唔好？要开个Threads嚟同大家玩，真心感恩。不过认真真心讲句，我哋呢班草民诚心许个愿，有嘅，系bonus，冇嘅，我哋都系咁玩，都系咁开心。讲真，成班人为咗一个好天真嘅谂法一齐去搏，你又有几耐冇试过？试左，得嘅，就与众同乐。唔得嘅，都起码赢左99.9%人。（嗱，呢句chef讲嘅）”。更分享谢霆锋新歌《逆行》歌词，勉励大家要“保有年少时的一点天真”。
The Flame想邀谢霆锋源于抢票失败
The Flame今日（3日）回复《星岛头条》表示：“因为真系买唔到飞（票），嗰晚真系好ad hoc，突然倾起大家都抢唔到演唱会飞，然后我哋呢班人又系喺threads 度爆出嚟， 就真系好天真咁乱噏话不如试下召唤佢出嚟啦。咁大家就开始tag 佢，真心冇谂过佢会出现。如果佢真系出现，我谂我会晕低咗先。”至于如果与谢霆锋合作busking真的成事，他们希望可以现场听到谢霆锋唱新歌《逆行》，“因为真系好正！”他们亦补充：“其实佢肯用threads 覆大家，已经好开心喇，佢嚟唔嚟都已经唔系重点，重点系大家都可以喺threads 见到佢。”
The Flame 是谁？
The Flame是香港最有名气的街头乐队之一，他们2012年起逢星期六晚上都在铜锣湾街头busking，吸纳了很多歌迷。去年The Flame在西环开音乐会，吸引千人逼爆西环。成军逾十年，The Flame有出色的乐手，有拥有好歌喉的主音Kit，而Kit表演时更间中夹杂一些地道粗口，爽朗的性格亦是吸引歌迷的因素之一。Kit曾表示一直busking是希望感染大家，即使年纪渐长，仍可以保留一点纯真做喜爱的事，与谢霆锋新歌《逆行》的概念不谋而合。近年The Flame除了接婚礼及活动的Live Band表演，仍坚持每周在湾仔海傍busking，更不时请来流行歌手busking，包括黄妍、力臻、Michael C等。
